Plantun de Prouvènço

Pèr coumpara dos planto d'encò nostre

Cuscuta planiflora & Polystichum setiferum

Péu-de-lin(-di-flour-plano)

Cuscuta planiflora

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute à fleur plane.

Descripcioun :
Lou péu-de-lin-di-flour-plano douno d'èr à Cuscuta epithymum, pamens li flour soun blanco e pu pichoto. Es uno planto coumuno en basso Prouvènço au contro de sa cousino que mounto mai. Se n'en destrìo subretout que li sepalo an de lobe redoun e pas pounchu. Bessai que s'agirié de la memo meno qu'eisisto de bastard.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 4 à 6 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à avoust

Liò : Tepiero seco - Relarg à jóuinis aubret
Estànci : Termoumediterran à Coulinen
Couroulougi : Éurimediterrano
Ref. sc. : Cuscuta planiflora Ten., 1829

Fougèro-dei-flouriste

Polystichum setiferum

Dryopteridaceae

Autre noum : Poulistique(-à-sedo).

Nom en français : Polystic à soies.

Descripcioun :
La fougèro-dei-flouriste trachis dins li relarg umide sus sòu séusous, dins li gaudre e proche d'aigo. Es un grand féuse di foundo mouligasso en coumparesoun amé Polystichum lonchitis. Li foundo soun tambèn eici dous cop descoupado. Li pinnulo an tambèn d'auriho e soun acabado pèr uno pichoto pouncho.

Usanço :
Aquest féuse garnis li bouquet di flouriste. Èro proun acampa en Prouvènço séusouso à passa tèms.

Port : Erbo
Taio : 40 à 100 cm
Fueio : foundo
Tipe bioulougico : Emicriptoufite
Cicle bioulougico : Planto renadivo

Gènre : Polystichum
Famiho : Dryopteridaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si (Ca)
Autour basso e auto : 0 à 1700 m
Aparado : Noun
Juliet à setèmbre

Liò : Gaudre - Islo - Ribo d'aigo - Pous
Estànci : Coulinen à Mountagnard
Couroulougi : Mediterrano-Atlantico
Ref. sc. : Polystichum setiferum (Forssk.) T.Moore ex Woyn., 1913

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta planiflora & Polystichum setiferum

ges

Coumpara Péu-de-lin(-di-flour-plano) emé uno autro planto

Coumpara Fougèro-dei-flouriste emé uno autro planto